महिला प्रिमियर लिग फुटसल

admin
प्रकाशित मिति: २९ भाद्र २०७५, शुक्रबार १४:३८

काठमाडौँ, २९ भदौ (रासस) : महिला प्रिमियर लिग फुटसल प्रतियोगिता शनिबारदेखि शुरु हुने भएको छ । दुई महिनासम्म चल्ने उक्त प्रतियोगितामा आठ टोलीको सहभागिता रहने लिगका संयोजक निष्ठा थापा श्रेष्ठले जानकारी दिनुभयो । आगामी कात्तिक १७ गतेसम्म हरेक शनिबार प्रतियोगिताका खेल मण्डिकाटारस्थित ‘एक्सेल रिक्रिएशन फुटसल मैदान’मा सञ्चालन हुने छन् । खेलको नतिजाका आधारमा अङ्क जोडिने र अन्तिममा उपाधिको छिनोफानो हुनेछ । महिला सशक्तीकरणका नामक संस्थाको आयोजना तथा यूरोपियन युनियन (इयु)को सहयोगमा प्रतियोगिता सञ्चालन हुन लागेको श्रेष्ठले बताउनुभयो । प्रतियोगितामा बार्सा नेपाल, म्यानचेस्टर युनाइटेड फ्यान क्लब, फुटसल एरिना, एनएमबी बैंक, कुमारी फुटसल लगयएतका टोलीको सहभागिता रहनेछ ।


२९ भाद्र २०७५, शुक्रबार १४:३८ मा प्रकाशित

तपाईंको प्रतिकृया जनाउनुहोस्