डिसिएको क्रिकेट टोली मुम्बइ प्रस्थान भारतको मुम्बई जान लागेको धनगढी क्रिकेट एकेडेमी(डिसिए)को टोलीलाई आइतबार बिदाइ गर्दै धनगढी उपमहानगरपालिकाका प्रमुख नृपबहादुर वड । तस्वीर : सिद्धराज भट्ट, धनगढी, रासस

admin
प्रकाशित मिति: ४ कार्तिक २०७५, आईतवार १६:३४

धनगढी, ४ कात्तिक (रासस) : धनगढी क्रिकेट एकेडेमी (डिसिए)को टोली १० दिने खेल भ्रमणका लागि आज मुम्बई प्रस्थान गरेको छ ।टोलीले मुम्बईका विभिन्न क्लब तथा एकेडेमीसँग सात एकदिवसीय खेल खेल्न लागेको डिसिएले जनाएको छ । धनगढी उपमहानगरपालिकाका प्रमुख नृपबहादुर वडले टोलीलाई बिदाइ गर्दै क्रिकेट खेलमा विकासका लागि नगरपालिकाले आगामी दिनमा बजेट  विनियोजन गरिने प्रतिबद्धता व्यक्त गर्नुभयो । धनगढी क्रिकेट एकेडेमीका अध्यक्ष सुवास शाहीले मुम्बई भ्रमणले राष्ट्रका लागि प्रतिभावान् खेलाडी उत्पादन गर्न सघाउ पु¥याउने विश्वास व्यक्त गर्नुभयो । टोलीमा सुबोध ऐर, सिजन कुँवर, सन्दीप आउजी, विनोद विष्ट, राजेन्द्र लोहनी, सोनु मण्डल, रोहन विकलगायत खेलाडी छन् । प्रशिक्षकमा दीपेन्द्र चौधरी र व्यवस्थापकमा भरत जोशीसमेत टोलीमा समावेश हुनुहुन्छ ।


४ कार्तिक २०७५, आईतवार १६:३४ मा प्रकाशित

तपाईंको प्रतिकृया जनाउनुहोस्