सुदर्शन बजगाई,आशाका किरण समाचार । राजधानी काठमाडौंको कालोपुलमा रहेको जेभियर इन्टरनेशनल कलेजले आयोजना गरेको ११औँ जेभियर इन्टरनेशनल अन्डर १९ बास्केटबल प्रतियोगिता आजबाट सुरु भएको छ ।
कालोपुलमा रहेको जेभियर इन्टरनेशनल कलेजको खेल मैदानमा भएको प्रतियोगिता कलेजका अध्यक्ष लोकबहादुर भण्डारीले रेफ्रीलाई बास्केटबल हस्तान्तरण गरेर उत्घाटन गरेका थिए ।
आज भएको उद्घाटन खेलमा आयोजक जेभियर इन्टरनेशनल कलेजको पुरुष टिमले ल्याण्डमार्क एकेडेमीलाई ३५-३४ को स्कोरले पराजित गरेको थियो ।
त्यस्तै आजै भएको अन्य खेलमा पुरुषतर्फ नागार्जुनले मनास्लु वर्ल्ड स्कुललाई ५२-२८ र प्रीमियर इन्टरनेशनल कलेजले बौद्ध तामाङ कल्याण गुठीलाई ४५-४३ स्कोरले पराजित गरेको थियो ।
महिला तर्फको खेलमा आईएसए नेपालले जेभियर कलेज ए लाई ३५-३३ र ल्यान्डमार्क एकेडेमीले जेभियर कलेजको बि टिमलाई ४३-२७ स्कोरले पराजित गरेको थियो ।
प्रतियोगिता २०२५ जनवरी ३० गतेसम्म चल्ने छ ।
उपाधी विजेताले नगद रु १ लाख सहित शिल्ड मेडल र प्रमाणपत्र प्राप्त गर्ने कलेजका अध्यक्ष लोक बहादुर भण्डारीले बताए ।
प्रतियोगिताको उत्कृष्ट खेलाडीलाई समेत पुरस्कृत गर्ने आयोजकको तयारी छ ।
प्रतियोगितामा पुरुषतर्फ बंगलादेशको एक र नेपालको १३ टोली गरी तर्फ १४ टोली र महिला तर्फ ६ टोली सहभागी छन् ।
खेलकुद क्षेत्रमा योगदान पुर्याउने र नयाँ खेलाडीलाई आफ्नो खेल कौशल देखाउने मंच तयार गर्ने हरेक वर्ष प्रतियोगिता आयोजना गरिएको जेभियर इन्टरनेशनल कलेजका सिईओ गोपाल भण्डारीले बताए ।
