सुदर्शन बजगाई,आशाका किरण समाचार |अनेरास्ववियुका महासचिव नरेश रोकायाले बझाङ जिल्लामा किसानले श्रमबाट कमाएको पैसाले आफ्नो लालपूर्जा भएको जग्गामा बनाएको घर भत्काउने काम भएको भन्दै तत्काल बिभेद गर्नेलाई कारवाही गर्नुपर्ने बताउनुभएको छ ।
जातीय बिभेदका घटना बढ्दै गएको भन्दै एमाले निकट विद्यार्थी संगठन अनेरास्ववियुले काठमाडौंको बालुवाटारमा सो घटनालाई लिएर प्रदर्शन गरेको छ ।
बझाङमा दलितको घर भत्काउने, जुम्लामा प्रेम विवाह गरेको निहुमा आगो लगाउने काम भएको, पश्चिम रुकुममा भएको घटना लगाएतका बिभेद बढ्दै जाँदा पनि राज्य मौन भएको भन्दै अनेरास्ववियुले शनिबार प्रधानमन्त्री निवास बालुवाटारमा प्रदर्शन गरेका हुन् ।
प्रदर्शनमा सहभागीहरुले व्यवस्था परिवर्तन भो अवस्था परिवर्तन कहिले, पिडितलाई न्याय देश, जातीय छुवाछुत अन्त्य गरौ, जातीय विभेद बन्द गर लगाएतका प्लेकार्ड प्रदर्शन गरेका थिए ।
उहाले पटक पटक जातीय विभेद बढ्दै जादा पनि सरकार गम्भीर हुन नसकेको बताउनुभयो ।
उहाले बिभेदका घटनाका दोषीहरुलाई कानूनी दायरामा ल्याउन नसके कडा आन्दोलन गर्ने चेतावनी दिनुभयो ।
