काठमाडौँ उपत्यकामा खाना पकाउने ग्यासको अभाव भएको छ ।
भाद्र १० गतेको बाढीका कारण पृथ्वी राजमार्गको कृष्णभीरको सडक कटानमा परेपछि उपत्यकामा खाना पकाउने ग्यासको अभाव भएको हो ।
पहिरोपछि ग्यास बुलेट आउन नसक्दा ग्यासको आपूर्ति ठप्प भएको छ । जसका कारण उपभोक्ताहरू मर्कामा परेका हुन् । सहज रुपमा ग्यास उपलब्ध हुन नसक्दा उपभोक्ताहरू खाली सिलिन्डर लिएर ग्यास कम्पनीमा पुगेका छन् भने ठूला डिलर लगायत बिक्री केन्द्रमा खाली सिलिन्डरको लामो लाइन देखिएको छ । ग्यास बोकेका बुलेट वैकल्पिक मार्गबाट पनि काठमाडौँ आउन नसकेपछि उपत्यका बाहिर नै सिलिन्डरका भरेर ल्याउने तयारी गरिएको छ ।
