दक्षिण कोरियाका अन्तर कोरियाली मामिला मन्त्रीले सोमबार मुलुक अझै उत्तर कोरियासँग वार्ता गर्न प्रतिबद्ध रहेको बताउनुभएको छ ।
दक्षिण कोरियाका एकीकरण मन्त्री क्वोन यङ–सेले सियोलमा सञ्चारकर्मीहरूसँगको पत्रकार सम्मेलनमा भन्नुभयो, “हामी वार्ताद्वारा सबै अन्तर कोरियाली मुद्दाहरू समाधान गर्न प्रतिबद्ध छौं ।”
क्वोनले भन्नुभयो, “त्यस अर्थमा हाल गतिरोधमा रहेको वार्ताको मार्गलाई हाम्रो सरकारले महत्व दिनेछ र अन्तर कोरियाली सम्बन्धहरूमा परिवर्तन ल्याउन लगातार प्रयास गर्नेछ ।”
मे १० मा पदभार सम्हालेका दक्षिण कोरियाका राष्ट्रपति योन सुक–योलले राष्ट्रपतिका रूपमा आफ्नो पहिलो सम्बोधनमा भन्नुभयो, “यदि दक्षिण कोरियाले आणविक विकास रोकेर साँच्चै आणविकीकरणमा प्रवेश गरेमा दक्षिण कोरियाली सरकार उत्तर कोरियाली नेतृत्वसँग सहकार्य गरी अर्थव्यवस्था सुधारका लागि समन्वय गर्नेछ ।
दक्षिण कोरियाले कोरियाली प्रायद्वीपको आणविकीकरण र दुई कोरियाबीचको सामान्यीकृत सम्बन्धमार्फत् कोरियाली प्रायद्वीपमा शान्तिपूर्ण एकीकरण महसुस गर्न चाहेको उहाँले बताउनुभयो ।
